مرت الأيــام

السلام عليكم و رحمة الله و بركاته

كيف حالكم جميعاً

اخيراً رأت النور ..

هذه التدوينه من المفترض ان تكون حديث لوقائع نفس اليوم الذي وقعت به

و تم التحضير لاضافه التدوينه .. لكن الرياح هبت ..و توقفت ..

و هاهي اليوم تخمد لتعيشوا ذكراها

يوم الجمعه .. دقت علي غاده صديقتي.. لكن ما شفت المكالمه الا بوقت متأخر

رحت عند المسن الا اشوفها تحاكيني هي و منور ..

في خطه اجتماع غدا السبت بيت "غدو"

انا :موافقه بس امهلوني ثواني آخذ موافقه الماما

جريت عند امي شفتها عند الـTv

انا :امي امي ،، غدو بكرا عازمتني بيتهم ممكن اروح!!

امي : وشـ تتغدين عند الناس !! ,,,

انا : صبر صبر امي تراك نايمه و سمعتي غلط ..

اقولك غدو .. مش غدآء و الله

قالت:ايه تبين تروحين روحيّ وسعي صدرك

و اجا بكرا .. بلغت بوفهد اني طالعه بعد صلاه العشا ابروح لغاده..

اختارت لي رهف بنت خالتي الملابس

رغم صغر سنها الا ان ذوقها و كلامها ما يحسسك انك تتعاملين مع طفله تبلغ 8 سنوات من العمر فقط

انا: شو رهف تمام هيك

رهف: ايوه بس شعرك خليه مفتوح

لبست العبايه فكرت اسوي دلة قهوه لأبوي قبل اطلع

سويت له قهوه عربيه .. و سويت لنا دلة نسكافيه اخذتها معي

توكلنا ، شوي منور وينك ..

قولي لغاده انا عند بيت جدها وين بيتهم عنه ؟

في هذي الاثناء ابوي لازم يعطيني خبره بمن يسكن هنا ..

شوي غاده: اروى طلعت لك خدامتنا شوفيها واقفه..

خلاص شوفتها ليكني جايه

نزلت و استقبال حار .. و المكان مرتب و كبير علينا انا و منور بس

غادة :وش جايبه قهوه ..

سويتلك حبيبة قلبك

انا :ما اصدق غاده مسويه قهوه ، و انا اصب يااه و سنعه بعد

غدو: مو انا لا تصدقين امي .. بس عشانك ماحد بيشربها الا انت

انا : آه وين جوجو تتقهوى معي

هذا قهوتي .. تسلم ايادي من سواهاآ

بعد ما تقهوينا و روقنا بدينا فعالياتنا .. قررنا نسوي عرض ازياء

اناو غدو عارضات و منور لجنة التحكيم و ترتب الميوزك اللي نمشي عليها

،

بعد كذا قلنا بنطب على عبير اخت غاده و هي تذاكر بالروم المجاور

و رحنا ثلاثتنا .. و كفشناهاا . بس يا خساره هربت

رجعنا لمجلسنا . حاسين بالانتصار

بما انو بقيه الشله ما هيب موجوده .. بدينا نتذكهم و نكلمهم

ابتديت بجوجو

انا جوجو .. ليتك معي تشربي القهوه الزينه

جوجو .. وينك فيه من معك .. من هذول

جوجو: غاده ، منور ،، خووووووووونه

اروى:شلون رضيتي على الجمعه بدوني

كملنا سواليف و اقتراحات للقضاء على الملل خلال الاجازه الممتده مع جوجو

بعدها سكرت منها .. و كلمت نوره

نوره: روري شنو انا و انتي توم و جيري ..وينك عن الجوال و المسن ما نتصادف

سولفنا معها كثير .. بعدها سكرنا

( على هذي كنبه جالسين ثلاثتنا)

و كملنا وناستنا نحن الثلاثه ..

رقص و سوالف .. و حوسه باليوتيوب .. ضحك

على طاري الرقص ..

محدثتكم " .. طلعت اشاعه على منور .. بحفله المديره انو هي

تدور حول محور وهي ترقص ..

و الاشاعه لاقت رواج واسع

خصوصاً " اللي بـ بقيق " لازالو مصدقين الاشاعه

" اللي ما ترقص تتفرج و تألف اشاعات "

بعدها جات اللحظه المنتظره

و الحاجه المشوقه بهذا اليوم ..

انه وقت العشاء

طبعا غدو .. مسويه لنا دعايه دفعتنا لبذل الغالي و النفيس

لتذوق باستا ماما عواطف

الباستا اجمل باستا ذقتها بحيااتي ..تستاهل الدعايه القويه

من ايد ما نعدمها ان شاء الله ..

غدو بيت عامر و منزل مبارك

ولا حد يلومنا على جلسة الارض

صراحه اريح و اكثر طبيعيه ..

تعودنا بالروضه على جلسة الارض

شوي الا :

يا ابوي يا شمس عمري و انسي و راحي ..

ابوي يتصل :هلا يبه ..

ابوي : يلا انا على الباب

مر الوقت بسرعه ..

غدو حسافه على القهوه ..

هاتي اكواب ورق لي و لبابا بالطريق

مخرج:

العُمْر ويّاااه والدنيا عُمْر ; والرِضا نظرة عيُونه في رِضا

عسى الله يديم جمعتنا